رجعت ڇا آهی ان جی وضاحت ڪریو .......؟؟؟؟

 رجعت ڇا آهی ان جی وضاحت ڪریو .......

لیڱڪ : مولانا سید احمد علی نقوی المعروف سید علی نقی نقوی 

✍   رجعت

رجعت جو مطلب رجعت عربی زبان جو لفظ آهی جیڪو رَجَعَ یَرجِعُ منجھان ورتل آهی جنهن جی معنا واپس ورڻ یا موٽی اچڻ آهی.(  معجم مقاییس اللغة،  ماده رجع)

اصطلاح ۾

 اصطلاح ۾ رجعت جو مطلب ٻن قسمن جی ماڻهن (خالص مومنن ۽ خالص ڪافرن) جو جیڪی مری ویا آهن امام مهدی (عج) جی ظهور کان پوءِ ۽ قیامت کان پهریان هن دنیا ۾ موٽی اچڻ آهی.( رجعت در عصر ظهور،  ص 60)

تمام شیعه عالمن جو متفقه عقیدو آهی ته رجعت واقع ٿیندی

🌻   رجعت جو ذڪر قرآن ۾

🌹وَیَوْمَ نَحْشُرُ مِن کُلِّ أُمَّةٍ فَوْجًا مِّمَّن یُکَذِّبُ بِآیَاتِنَا فَهُمْ یُوزَعُونَ ترجمو :۽ اُنھی ڏینھن جو سڀ ڪنھن اُمّت مان اھڙیءَ ٽولیءَ کی کڙو ڪنداسون جنھن اسان جی آیتن کی ڪُوڙو ڄاتو ٿی پوءِ اُھی (ھڪٻئی جی پھچڻ تائین) بیھاریا ویندا. ( سوره نمل آیت نمبر 83)

ان آیت مان مراد رجعت آهی ڇو جو جیڪڏهن قیامت هجی ها ته من کل امة فوجا نه هجی ها بلڪی کل امة هجی ها ڇو جو قیامت ڏینهن ته سڀنی کی اٿاریو ویندو پر هتی اهو اهی ته اهڙی ٽولیءَ کی کڙو ڪنداسون لهذا مراد رجعت آهی 

  جیڪی قرآن جو ایتون قیامت لاءِ آهن ان ۾ هیئن ذڪر آهی فَلَمْ نُغَادِرْ مِنْهُمْ أَحَدًا 

پوءِ منجھانئن ڪنھن ھڪ کی نه ڇڏینداسون (سوره کهف آیت نمبر 47) یعنی قیامت ۾ سڀنی لاءِ حڪم آهی پر رجعت ۾ ڪجهه ٽولن جو ....

🌻    روایتون

1⃣امام صادق علیه السلام فرمائن ٿا ته الله سائین جا ٽی ڏینهن آهن

1. امام مهدی جی ظهور وارو ڏینهن 2. رجعت وارو ڏینهن  3. قیامت جو ڏینهن(بحار الانوار، ج 53، ص 63)

2⃣حضرت امام رضا علیه السلام ، مامون طرفان رجعت بابت پڇیل سوال جی جواب ۾ فرمایو )إِنَّهَا لَحَقٌّ قَدْ کَانَتْ فِی الْأُمَمِ السَّالِفَةِ وَ نَطَقَ بِهِ الْقُرْآنُ وَ قَدْ قَالَ رَسُولُ اللَّهِ ص یَکُونُ‏ فِی‏ هَذِهِ‏ الْأُمَّةِ کُلُّ مَا کَانَ فِی الْأُمَمِ السَّالِفَةِ حَذْوَ النَّعْلِ بِالنَّعْلِ وَ الْقُذَّةِ بِالْقُذَّة 

3⃣ابوبصیر چوی ٿو : آءُ امام صادق علیه السلام جی خدمت ۾ )وَ أَقْسَمُوا بِاللَّهِ جَهْدَ أَیْمانِهِمْ لا یَبْعَثُ اللَّهُ مَنْ یَمُوتُ بَلى‏ وَعْداً عَلَیْهِ حَقًّا وَ لکِنَّ أَکْثَرَ النَّاسِ لا یَعْلَمُونَ (سورت نحل، آیت 38) ڪافرن وڏا وڏا قسم کڻی چیو ته جیڪو انسان مری وڃی الله سائین ان کی زندھ ناهی ڪندو لیڪن ڇو الله سائین جو واعدو حق آهی (هو زندھ ڪندو ) لیڪن گھڻا ماڻهو نٿا ڄاڻین (۽ جهالت جی ڪری انڪار ٿا ڪن)   جی تلاوت ڪیم ته امام فرمایو : ای ابو بصیر! جڏهن اسان جو قائم قیام ڪندو ته الله سائین اسان جی شیعن منجھان هڪ گروھ کی ان حالت ۾ زندھ ڪندو جو تلوارون سندن  هٿن ۾ هوندیون ۽ ان گروھ جی زندھ ٿیڻ جی خبر موجود شیعن تائین پهچندی ۽ چوندا ته فلاڻو ۽ فلاڻو پنهنجی قبرن منجھان اٿی آیا آهن ۽ قائم (آل محمد علیه السلام) سان گڏ آهن، ۽ اها ئی خبر اسان جی دشمنن تائین به پهچندی ته اهی چوندا ای شیعو! ڪوڙ ٿا هڻو خدا جو قسم! اهی زندھ ناهن ٿیا ۽ نه وری زندھ ٿینداته امام علیه السلام فرمایو : الله سائین انهن جی ڳالھ نقل ڪندی فرمائی ٿو ته انهن قسم کڻی چیو ته الله سائین مئلن کی زندھ نه ڪندو .( اصول ڪافی، ج8 ص 51)

ان روایت مان به معلوم ٿئی ٿو ته رجعت هن دنیا ۾ واقع ٿیندی ۽ ڪجھ انسان هن دنیا ۾ واپس ورندا

رجعت حق آهی، بیشڪ رجعت گذریل امتن ۾ به واقع ٿی آهی، جنهن جی صراحت قرآن مجید پڻ بیان فرمائی آهی ۽ رسول الله صلی الله علیه و آله وسلم فرمایو آهی ته جیڪو ڪجھ گذریل امتن ۾ واقع ٿیو آهی اهو ساڳئی تفصیل سان هن امت ۾ به واقع ٿیندو.( عیون اخبار الرضا، ج2، ص 202)

🌻  رجعت جو وقت 

ان بابت روایتن ۾ ذڪر ٿیو آهی ته رجعت قیامت کان پهریان واقع ٿیندی ۽ سڀ کان پهریان امام حسین علیه السلام جی رجعت ٿیندی (میزان الحکمه حدیث شماره 6928.)

حوالا 📚

1 قرآن 

2 بحار الانوار

3 میزان الحکمة

4 عیون اخبار الرضا 

5 رجعت در عصر ظهور 

6 معجم مقاییس اللغة